20 ستمبر آ اسلام آباد نا کنڈ آ مارچ کرسا مچ آ اسلام آباد ءِ گھیڑ ءِ کینہ، حافظ نعیم الرحمن نا پڑو
نن حکومت ءِ سلاہ تسنہ ولے حکومت اسُل چکار کپننگ اٹی ءِ‘ جماعت اسلامی ہچ ءُ تحریک اسے کن موسم نا سختی تیان خلپک
Get real time updates directly on you device, subscribe now.
راولپنڈی، جماعت اسلامی پاکستان نا امیر حافظ نعیم الرحمن پارینے کہ نن حکومت ءِ سلاہ تسنہ ولے حکومت اسُل چکار کپنگ اٹی ءِ‘ 20 ستمبر آ اسلام آباد نا کنڈ آ مارچ کرسا مچ آ اسلام آباد ءِ گھیڑ کینہ، اِرا سال مست ننا 14 دے ئی دھرنا نا سوب آن بجلی نا نہاد آتیٹی کمتی بسوسس، جماعت اسلامی ہچ ءُ تحریک اسے کن موسم نا سختی تیان خلپک۔ دا خیال آتا درشانی ءِ او تدوک آ نن راولپنڈی لیاقت باغ اٹی جماعت اسلامی نا دھرنا نا بشخ ہلوک آتیان تران کرسا کرے۔ حافظ نعیم الرحمن پارے کہ حکومت مذاکرات اٹ سنجیدہ اف بلکہ پیٹرولیم مصنوعات آتا نہاد آتے ودفنگ اٹی ءِ‘ حکومت مچ آ قوم انا پدریسہ بے عزتی ءِ کننگ اٹی ءِ‘ اینو مزدور و کشارگر تتون اوار ہر تپہ فریشان ءِ‘ او پارے کہ حکومت ننا بے عزتی ءِ کرینے، داسہ اسلام آباد آ برسا نشان ایتنہ تا نن انت کننگ کینہ۔