بی ایس ڈی آئی نا سوب آن کاریم تیٹی گچینی بسنے، سائرہ عطاء

کمشنر لسبیلہ ڈویژن سائرہ عطاء پارینے کہ بی ایس ڈی آئی نا سوب آن مدامگی شونداری ڈٹ آتیا عملدرآمد آن جوانی بسنے، شونداری باندات آتا مانیٹرنگ آن السی فائدہ نا برجا ڈٹ آتیان الس ءِ آسراتی و خذمت آتا فراوانی گچین مسنے۔ دا ہیت ءِ او ڈی سی آفس اوتھل نا کانفرنس ہال اٹی ڈپٹی کمشنر لسبیلہ حمیرا بلوچ نا کنڈ آن تننگوک آ بریفنگ اٹی تران کرسا کرے۔ ڈپٹی کمشنر بریفنگ اٹی پارے کہ بی ایس ڈی آئی نا رِد اٹ فیز ون اٹی 27، فیز ٹو اٹی 11 و فیز تھری اٹی 65 شونداری ڈٹ اوار کننگانو۔ زالبول آتے کن جتا پبلک لائبریری، لاکھڑا ٹی بنداوی جانجوڑی پروگرام نا رِد اٹ رورل ہیلتھ سینٹر نا تفنگ شونداری پروگرام اٹی اوار ءُ۔ ڈپٹی کمشنر پارے کہ تعلیم، آبنوشی، جانجوڑی، اسپورٹس، ماڑی، کسر تا تفنگ و میونسپل سروسز نا فراوانی نا ڈٹ آک فیز تھری ٹی اولیتی بنداو آ اوار کننگانو۔ مچ آ شونداری ڈٹ آتیا عملدرآمد کن ٹینڈر اپلوڈ کننگانو۔