سوراب، نا درست بندغ آتا سم کاری آن خاران نا ورنا اس زوال

خاران، سوراب نا علاقہ ٹی نا درست بندغ آتا سم کاری آن خاران نا ورنا اس زوال مس، وخت اس کہ ایلو اِرا بندغ ٹھپی مسنر۔ سرجم حوال آتا رِد اٹ خاران آن تعلق تخوک آ زین عارف، حبیب عارف و جنید دیدگ کراچی آن کوئٹہ غا ہنارہ کہ سوراب نا روڈ آ نا درست بندغ آک سم کاری کریر ہرا نا سوب آن زین عارف ہمو جاگہ غا زوال مس وخت اس کہ حبیب عارف و جنید دیدگ ٹھپی مسر ہرافتے دمدستی وڑ اٹ قلاٹ سول ہسپتال گدریفنگا ہراڑے ایماندار نا میت و ٹھپی تے کوئٹہ غا ریفر کننگا، اوکان پد زین عارف نا میت ءِ خاران آ اتسا جہہ و جاگہ کننگا۔ ایماندار زین عارف و ٹھپی حبیب عارف خاران نا صحافی حاجی عارف نا مارک ءُ وخت اس کہ ارٹمیکو ٹھپی جنید احمد پروفیسر عبدالکریم دیدگ نا مار ءِ۔