راج انا شونداری کن ہر بندغ ءِ زرگزرانی وڑ اٹ سوگو کروئی تمک،کمانڈنٹ ایف سی پنجگور رائفلز

پنجگور نا جتا جتا شار تیان تعلق تخوک آ چوری، جنوزان، معذور و بے روزگار تیٹی نوبت لسٹ نا ٹوکن بشخنگا۔ پنجگور رائفلز نا کنڈ آن نوبت لسٹ ٹوکن نا بشخنگ نا بابت اسہ دود اس اڈ ہلک ہرانا خاص انگا مہمان کمانڈنٹ ایف سی پنجگور رائفلز بریگیڈیئر نادر محی الدین ئس، وخت اس کہ خاص انگا مہمان تیٹی ڈپٹی کمانڈنٹ پنجگور رائفلز کرنل معراج عالم، وائس چانسلر یونیورسٹی آف مکران ڈاکٹر میر سعادت بلوچ، فرید نواز صدر انجمن تاجران پنجگور، اسسٹنٹ کمشنر افتخار ظہیر، ڈسٹرکٹ ایجوکیشن آفیسر ڈاکٹر عابد حسین، مولانا علی احمد، سردار سعود احمد ساسولی و ایلوفک ساڑی ئسر۔ دود اٹی پنجگور نا جتا جتا شار تیان تعلق تخوک آ چوری، بیوس، جنوزان، معذور و بے روزگار ورنا تیٹی نوبت لسٹ نا ٹوکن بشخنگا ہراڑان بیوس، چوری و بے روزگار تیٹی خوشی تالان مس و او کمانڈنٹ ایف سی پنجگور رائفلز بریگیڈیئر نادر محی الدین نا منت ءِ ہرفسا پاریر کہ نن جنوزان، چوری، معذور و بے روزگار دا راج نا ہمو بیوس آ تپہ اُن ہرانا ہچ ءُ سیبو اس اف۔ نن تینا اُرا تا خاہوت نا گزران و تین کن اِرا وخت نا باخو نا پٹ و پول اٹی در در آ دھکہ کننگ ئسن و راج انا غٹ آن زیات زرگزرانی وڑ اٹ خوار آ بندغ آتیان ئسن، دا ٹوکن آن داسہ ننا زند اٹی جوانی بریک و داسہ نن کن اِرا وخت نا باخو نا شرفمندی اٹ بست و بند مننگ کیک۔ او پاریر کہ دا ٹوکن نن کن عارضی روزگار نا اسہ اہم ءُ وسیلہ اس مریک۔ دود آن تران کرسا کمانڈنٹ ایف سی پنجگور رائفلز بریگیڈیئر نادر محی الدین، ڈاکٹر میر سعادت بلوچ، مولانا علی احمد، فرید نواز و ایلوفک پاریر کہ راج ہمو وخت اسکان شونہ ہلپک کپک تانکہ راج اٹی انصاف و بریبری مف و راج انا ہر بندغ زرگزرانی وڑ اٹ سوگو مف۔ او پاریر کہ راج اٹی غریبی نا گواچی مروک آ چوری، جنوزان، معذور و بے روزگار آتیکن عارضی روزگار نا بست و بند کننگ اسہ ستا کڑزوک ءُ کاریم اسے و اودے ہندا وڑ پاک و شفاف وڑ اٹ برجا تخوئی تمک۔ کمانڈنٹ ایف سی پنجگور رائفلز بریگیڈیئر نادر محی الدین نوبت لسٹ ٹوکن نا بشخنگ نا دود آن تران کرسا پارے کہ ہرا ریسہ تدوک آ سال آن برجا ئس اودے مستی برجا تخنگ کن دا رد و ریسہ برجا ءِ و گڈیکو چوری، جنوزان، بیوس و معذور اسکان برجا سلک۔ او پارے کہ دا نظام ءِ گچین و شفاف جوڑ کننگ کن ننا مچ آ ٹیم بے کچ است خواہی اٹ کاریم کننگ اٹی ءِ و داڑان پین بے روزگار، جنوزان، چوری و بیوس فائدہ ہرفور۔ او پارے کہ اسٹیکر مافیا نا برخلاف کارروائی اوفتا معافی اسکان برجا سلک و ہرافک مستین ردینک کرسا دا نظام آن ناروا فائدہ ہرفسا اسٹیکر نا بہا کننگ و ہلنگ ءِ کرینو و تینا بندغ آتے آسراتی ترسا چوری و معذور تا حق آتیا داڑیلی کرینو اوفتا برخلاف کارروائی نا رد و ریسہ برجا سلک تاکہ او تینا ردینک ءِ منتنو۔ او پارے کہ اوفتے معافی ہمو وخت آ تننگک ہراتم او تینا ردینک ءِ تینٹ منر۔ او پارے کہ طالب علم آک ہرافک اسہ روشنا آخبت اسے کن تینا خواننگ اٹی اختہ ءُ و اوفتا لمہ باوہ اوفتا خواننگ نا خڑچ آتے برداشت کننگ کپسہ اوفتا مالی کمک کننگک و اوفتے اسٹیکر ہمو وخت اسکان فراوان کننگک تانکہ اوفتا خواننگ پورو مفک و او روزگار اس دوئی کننگ اٹی سرسہب مفسہ۔ پنجگور (نامہ نگار)