بی بی او آئی ٹی جوان سرسہب ہننگ ءِ، بلال کاکڑ

کوئٹہ، بلوچستان سرمایہ کاری بورڈ انا وائس چیئرمین بلال خان کاکڑ پارینے کہ وزیراعلیٰ بلوچستان میر سرفراز بگٹی نا وژن نا رِداٹ بی بی او آئی ٹی تدوک آ وخت اٹی صوبہ ٹی زرکاری نا شون تننگ و زرگزرانی سرجز نا ودفنگ کن کیہی اہم گام گیج و سرسہبی دوئی کرینے۔ او پارے کہ “بلوچستان انویسٹمنٹ اینڈ ٹریڈ ایکسپو” 2026 نا اڈ تننگ نا تیاریک ترندی اٹ برجا ءُ، وخت اس کہ ملکی و درملکی زرکار تتون حوال آتا بحالی و چندی بشخ آتے ٹی زرکاری ڈٹ آتے مونی دننگ ننا اہم سرسہبی تے ٹی اوار ءِ۔ بلال خان کاکڑ پارے کہ جھینگا فارمنگ نا بھلا ڈٹ اکن کساس 5 ارب روپئی نا پبلک پرائیویٹ پارٹنرشپ آ پیش رفت مننگ اٹی ءِ، وخت اس کہ گڈانی اٹی 500 ملین روپئی نا بھلا خڑچ اٹ شرمپ ہیچری جوڑ کننگ کن ہم عملی گام گیج کننگانے۔