مارکیٹ انفراسٹرکچر نا پوسکنوڑی ملکی زرگزران نا رکھ کن المی ءِ، بابر خان
Get real time updates directly on you device, subscribe now.
کوئٹہ، سیکریٹری مواصلات و تعمیرات بابر خان نا کماشی ٹی مچ آ صوبہ ٹی میوہ و سوزی منڈی، غلہ منڈی، بس ٹرمینلز و پڑی تے فعال کننگ و ہند آتیٹی آسراتی تا فراوانی نا شونداری ڈٹ آ پیش رفت نا جاچ ہلنگ کن دیوان اڈ ہلک۔ دیوان اٹی کل 6 زون تا چیف انجینئر، افسر، کنسلٹنٹس و ایلو تعلقدار کمامدار آک بشخ ہلکر۔ دا وخت آتعلقدار افسر آتا کنڈ آن جتا جتا ڈٹ آتیا برجا کاریمی پیش رفت، مون تروک چیلنج و آخبت نا لائحہ عمل نا بابت جم بریفنگ تننگا۔ دیوان آن تران کرسا سیکرٹری مواصلات و تعمیرات بابر خان پارے کہ بلوچستان نا زرگزران اٹ کشت وکشار و لائیو اسٹاک نا بشخ آتے بنداوی اہمیت دوئی ءِ‘ ہندا سوب آن دا بشخ آتے پوسکنوڑ خواست آتتون ہمگرنچ کننگ کن مارکیٹ انفراسٹرکچر نا شونداری المی ءِ۔