وزیر خارجہ اسحاق ڈار نا کماشی ٹی وزارت خارجہ ٹی اہم دیوان

اسلام آباد، نائب وزیراعظم و وزیر خارجہ اسحاق ڈار نا کماشی ٹی وزارتِ خارجہ ٹی اہم ءُ دیوان اس اڈ ہلک، ہراٹی داسہ نا درملکی دورہ غاتیٹی پک مروک مفاہمت آتیا عملدرآمد نا جاچ ءِ ہلنگا۔ ترجمان دفتر خارجہ سجاد حیدر خان نا رِداٹ دیوان اٹی پاکستان نا خارجہ پالیسی نا اولیت آتیا سجفنگا‘ وخت اس کہ آخبت نا سفارتی اختہ ئی و تیاری تا ہم جاچ ہلنگا۔ دیوان اٹی اسحاق ڈار اولیتی باندات آتا گچین رابطہ کاری و فالو اپ نا پارت کرے۔ ترجمان نا رِداٹ دیوان اٹی سیکرٹری خارجہ آمنہ بلوچ و خصوصی سیکرٹری اقوامِ متحدہ نبیل منیر تون اوار وزارتِ خارجہ نا سینئر کمامدار آک ساڑی ئسر۔