جنگ اٹی دشمن نا 370 آن زیات جہاز بٹین، ایرانی فضائیہ نادعویٰ

تہران، ایرانی فضائیہ نا دفاعی ڈپٹی کوآرڈینیٹر بریگیڈیئر جنرل محمد صادقیان دعویٰ کرینے کہ داسہ نا امریکی و اسرائیلی جلہو تا وخت آ ایرانی فضائی دفاعی فورس 370 آن زیات دشمن نا جہاز ءِ بٹے۔ وخت اس کہ کیہی جہاز و ڈرون تے ہم خلک بٹے۔ ایرانی کمامدار نا رد اٹ 12 دے انا جنگ انا آزموندہ غان دوئی مروک معلومداری تا بنداو آ ایران تینا فضائی دفاعی نزوری تا نشاندہی ءِ کرے و 28 فروری آ بنا مروک ارٹمیکو جنگ آن مست دفاعی نظام ءِ پین سوگو کرے۔او پارے کہ دشمن ءِ دا پورو پت ئس کہ جنگ نا اولیکو دے بھا جلہو تا کمک اٹ ایران نا مچ آ فضائی دفاعی ریڈار آتے بھس کننگانے، ولے ایرانی فضائی دفاع دشمن نا جہاز و ڈرون تے نشانہ کرے و اوفتا کل کساس آتے مِش تا کرے۔ او دعویٰ کرے کہ تدوک آ اِرا دے اٹ خلیج فارس نا دنگ اٹ اسہ امریکی MQ-9 اسٹریٹجک ڈرون ءِ ہم شست کننگا۔