چاغی ٹی میڈیکل افسر مفننگ آن اتائی ڈاکٹر آتا کاروبار اٹ ودکی
Get real time updates directly on you device, subscribe now.
چاغی شار اٹی باقاعدہ میڈیکل افسر مفننگ نا سوب آن اتائی ڈاکٹر آتا کاروبار ترندی اٹ برجاءِ‘ ہرافک غریب و سادہ انگا بندغ آتیان تینا منشا نا فیس ہلسا اوفتے پلنگ اٹی ءُ۔ الس نا غریب الس پامدار مفننگ ناسوب آن دا اتائی ڈاکٹر آتیان درمان کننگ آ بیوس ءِ‘ ہرانا رد اٹ کمامدار آک دمدستی نوٹس ہلیر۔ حوال نارد اٹ آر ایچ سی (RHC) ہسپتال چاغی ٹی دارو تا کوٹہ نا کمتی نا سوب آن چاغی شار نا الس کبین دارو ہم اتائی‘ دکاندار تیان ہلنگ آ بیوس ءِ‘ چاغی ٹی دا اتائی ڈاکٹر یا میڈیکل چلیفوک آک تینے ایم بی بی ایس (MBBS) ڈاکٹر پارسا کودک آ الس نا نہادی جان تتون گوازی کننگ اٹی ءُ۔السی تپہ غاک ایم پی اے چاغی حاجی صادق خان سنجرانی و ڈی سی چاغی جہانزیب نور شاہوانی آن خواست کرینو کہ آر ایچ سی ہسپتال چاغی نا دا گڑتی و حالیت نا دمدستی نوٹس ءِ ہلسا ہسپتال اٹی لائخ ءُ میڈیکل ڈاکٹر اس تعینات کننگے۔ چاغی (نامہ نگار)