پمز سانحہ نا جاست پاست، اسیجائی پارلیمانی کمیٹی نا ٹہیفنگ نا کاریم نا بنا
Get real time updates directly on you device, subscribe now.
اسلام آباد، سانحہ پمز نا پارلیمانی جاست پسات نا باندات آ حکومت اسیجائی پارلیمانی کمیٹی نا ٹہیفنگ کن عملی گام گیج آتا بناءِ کرینے وکل سیاسی جماعت آتیان کمیٹی ٹی نمائندگی کن باسک آتا پن بٹنگانے۔ پارلیمانی حوالی نا رِداٹ حکومت نا کنڈ آن کل جماعت آتیان پن رسینگ انگ آن پد اسیجائی پارلیمانی کمیٹی نا باقاعدہ نوٹیفکیشن جاری کننگک۔ کمیٹی ٹی پارلیمان اٹی ساڑی کل جماعت آتے نمائندگی تننگک۔ حوالی نا رِداٹ قومی اسمبلی تدوک آ جمعہ نا دے سانحہ پمز انا جاست پاست کن اسیجائی پارلیمانی کمیٹی جوڑ کننگ نا بابت قرارداد منظور کریسس، ہراکان گڈ داسہ کمیٹی نا ٹہیفنگ نا ریسہ نا بنا کنگانے۔ پارلیمانی حوالی پارینے کہ سیاسی جماعت آتا کنڈ آن پن تا رسینگ تون کمیٹی ٹہیفنگ نا عمل ءِ پورو کرسا نوٹیفکیشن جاری کننگک۔ اسیجائی پارلیمانی کمیٹی سانحہ پمز انا جتا جتا پہلوتا جاچ ءِ ہلیک و تینا جاست پاست نا رد اٹ رپورٹ جوڑ کیک۔