ایران نا متحدہ عرب امارات اٹی امریکی فوجی اڈہ غا ڈرون جلہو
Get real time updates directly on you device, subscribe now.
تہران، ایران متحدہ عرب امارات نا المنہاد ایئر بیس آ ڈرون جلہو کننگ نا دعویٰ کرینے، ملکی نشریاتی ادارہ نا رِداٹ ایرانی فوج دا کارروائی اٹی ہمو ہند ءِ شست کرے ہراڑے امریکی فوجی کارندہ و ہیلی کاپٹر آک ساڑی ئسر۔ رائٹرز نا رِداٹ ایرانی فوج پارے کہ المنہاد ایئر بیس آ ڈرون جلہو کننگا، ولے دمدستی وڑ اٹ دا کارروائی ٹی مروک آ گمانی جانی یا مالی نسخان تا بابت حوال مون آبتنے۔ ایرانی فوج انا رِداٹ دا جلہو جزیرہ لارک آ پاسدارانِ انقلاب نا کارندہ و ایرانی شاری تا خلنگ نا ورندی ٹی کننگا۔ تہران نا موقف ءِ کہ المنہاد ایئربیس آ ساڑی امریکی فوجی میرات ءِ نشان کننگ ہندا کارروائی نا پورو ردعمل ءِ۔ ایرانی دعویٰ غان پد متحدہ عرب امارات اٹی سیکورٹی حالیت آتیا چکار کننگ انگ ءِ۔ ولے جلہو نا سوب آن جانی یا مالی نسخان نا آجو وڑ اٹ پک مننگ کتنے۔