پمز اٹی معطل افسر آتا جاگہ غا پوسکن آ افسر آتے زمواری تننگا

اسلام آباد، سانحہ پمز انا عبوری جاست پاستی رپورٹ مون آ بننگ آن پد وزیراعظم شہباز شریف نا سخت پرمان آ عملدرآمد نا بنا کننگانے ہراڑے معطل افسر آتا جاگہ غا پوسکن آ لائخ آ افسر آتے دمدستی وڑ اٹ زمواری تننگانے۔ دا رد اٹ جاری مروک نوٹیفکیشن نا رِداٹ این آئی ایچ نا ڈاکٹر محمد سلمان ءِ مسہ سال اکن پمز انا پوسکن آ ایگزیکٹو ڈائریکٹر پن کننگانے۔ ڈاکٹر محمد سلمان این آئی ایچ نا ہم ایگزیکٹو ڈائریکٹر نا زمواری تے سر ترسا کیک۔ ڈاکٹر الطاف حسین ءِ پمز انا جوائنٹ ایگزیکٹو ڈائریکٹر نان میڈیکل نا ودکی چارج تننگانے۔ نوٹیفکیشن نا رِداٹ ڈاکٹر نزہت یاسمین ءِ جوائنٹ ایگزیکٹو ڈائریکٹر چلڈرن ہسٹپال پمز انا ودکی چارج تننگا‘ ڈاکٹر شمائلہ ءِ زالبول آتا ناجوڑی بشخ انا پروفیسر و سروک نا ساڑی چارج تننگانے۔ ڈاکٹر رحمانہ وارث ءِ ایسوسی ایٹ پروفیسر پیڈیا ٹرکس چلڈرن ہسپتال نا ساڑی چارج تننگا، ڈاکٹر آمنہ ءِ زالبول آتا ناجوڑی بشخ ایم سی ایچ اٹی سینئر رجسٹرار نا ساڑی چارج تننگا۔ وخت اس کہ حسن اشرف ءِ اسسٹنٹ ڈائریکٹر سیکورٹی پمز انا ودکی چارج تننگا۔ وزارت جانجوڑی دا بابت باقاعدہ نوٹیفکیشن جاری کرے۔