ڈی جی گوادر ڈیولپمنٹ اتھارٹی نا کماشی ٹی واٹر سیکشن نا بابت دیوان

گوادر، ڈائریکٹر جنرل گوادر ڈویلپمنٹ اتھارٹی (GDA) معین الرحمن خان نا کماشی ٹی واٹر سیکشن نا اہم ءُ دیوان اس اڈ ہلک، ہراٹی گوادر اٹی دیر انا فراوانی، آبی کوڑی‘ ڈسٹری بیوشن، بلنگ و ریکوری نا ساڑی حالیت تا جم جاچ ہلنگا۔ دیوان اٹی چیف انجینئر جی ڈی اے حاجی سید محمد، پی ڈی واٹر میرجان، ڈائریکٹر فنانس عبدالشکو بلوچ، ایگزیکٹو انجینئر ڈسٹری بیوشن محمد اکبر بلوچ تون اوار کل تعلقدار افسر آک ساڑی ئسر۔ دیوان اٹی بریفنگ ترسا پاننگا کہ سوڈ ڈیم اٹی دیر انا کوڑی ترندی اٹ کم مننگ اٹی ءِ و ساڑی کوڑی بروک آ کساس اِرٹ آن مسہ تُو اکن پورو ءِ‘ دیر انا پدریسہ فراوانی ءِ برجا تخنگ کن شادی کور ڈیم آن ہم دیر انا سپلائی ءِ فعال کننگانے، وخت اس کہ ہڑتوم آ وسیلہ غاتیان ہڑدے 30 آن 35 لاکھ گیلن دیر الس ءِ فراوان کننگ انگ ءِ۔ ڈائریکٹر جنرل دوئی آبی کوڑی ءِ بھرمی وڑ اٹ مینج کننگ و کل بدل گیگ وسیلہ غاتے کاریم اٹ اتنگ نا پارت کرے۔