ڈپٹی کمشنر نصیرآباد نا ڈسٹرکٹ لائبریری نا دورہ، طالب علم آتتون اوڑدہی
Get real time updates directly on you device, subscribe now.
نصیرآباد، ڈپٹی کمشنر نصیرآباد وریندر لعل تدوک آ دے ڈسٹرکٹ لائبریری نا دورہ ءِ کرے، ہراڑے او مطالعہ کن بروک آ لائخ آ آ طالب علم آتتون اوڑدہی کرے و لائبریری ٹی شاری تے دوئی آسراتی و مون تروک ویل آتا بابت حوال ہلک۔ یات سلے کہ تدوک آ دے تیٹی اڈ ہلوک غاو دیوان نا وخت آ لائبریری آن فائدہ ہرفوک طالب علم آک ڈپٹی کمشنر نصیرآباد ءِ لائبریری ٹی بجلی نا مفننگ، پنکھہ غاتا کمتی و ایلو گرج انا آسراتی تا مفننگ نا ویل آتیان پورو وڑ اٹ آگاہ کریسر۔ ڈپٹی کمشنر طالب علم تا دا ویل آتا دمدستی نوٹس ءِ ہلسا تعلقدار کمامدار آتے دمدستی و بیدس رے تے آن ایسری نا سخت پارت کریسس ہرا نا سوب آن لائبریری ٹی بجلی نا بحالی، پنکھہ غاتا خلنگ و ایلو تفوئی و المی گڑاتا فراوانی ءِ پک کننگا۔ غاو دیوان نا وخت آ طالب علم آک ڈپٹی کمشنر آن لائبریری نا دورہ کننگ نا خواست ہم کریسر ہرانا رد اٹ ڈپٹی کمشنر وریندر لعل تدوک آ دے ڈسٹرکٹ لائبریری نا دورہ ءِ کرے۔