فائر بریگیڈ نا رسپانس، جاست پاستی کمیٹی ٹائم لائن ءِ چیک کرے

اسلام آباد، وزیراعظم محمد شہباز شریف نا کنڈ آن جوڑ کروک جاست پاستی کمیٹی پمز ہسپتال خاخر لگنگ نا واقعہ نا جاست جاست نابناءِ کرسا فائر بریگیڈ ہیڈکوارٹر نا جم دورہ ءِ کرے، ہراڑے کمیٹی باسک آک کیپیٹل ایمرجنسی سروسز نا افسر و ریسکیو آپریشن اٹی بشخ ہلوک کارندہ غاتا بیان تے قلمبند کریر۔ حوالی نا رِداٹ کمیٹی خاخر لگنگ نا دمدستی وخت آن ہلسا ریسکیو ٹیم تا جاگہ غا سر مننگ اسکان نا کل ریسہ و ٹائم لائن نا جم جاچ ءِ ہلک۔ حوالی نا رِداٹ جاست پاستی کمیٹی فائر بریگیڈ نا کنڈ آن واقعہ ناوخت آ مروک رسپانس و کارروائی نا ہم جاچ ءِ ہلک، وخت اس کہ ریسکیو آپریشن نا وخت آ مون تروک اڑاند خواری و ایلو تعلقدار باندات آتا بابت افسر و کارندہ غاتیان سرجم حوال ہلکر۔