اسلام آباد پمز ہسپتال نا نرسری ٹی خاخر لگنگ آن زوال مروک 14 چنا جہہ و جاگہ
خاخر گائنی وارڈ انا ایم سی ایچ وارڈ نا مسٹمیکو فلور اٹ لگاسس، لیڈی ڈاکٹر بیرہ اسہ چنا سے بچفنگ کرے
Get real time updates directly on you device, subscribe now.
اسلام آباد بنجائی دارالحکومت اسلام آباد نا پاکستان انسٹی ٹیوٹ آف میڈیکل سائنسز (پمز) ہسپتال نا نرسری ٹی خاخر لگنگ نا سوب آن زوال مروک 14 کودک آ چناتے جہہ وجاگہ کننگا۔ چار شنبے نادے پمز اٹی خاخر لگنگ نا است ہسون کروک واقعہ ٹی 14 کودک آ چناک ہشنگسا زوال مسر۔ ریسکیو کمامدار آتا رد اٹ خاخر گائنی وارڈ انا ایم سی ایچ وارڈ انا مسٹمیکو فلور آ لگاسس۔ خاخر لگنگ نا وخت آ نرسری ٹی 15 چنا ساڑی ئسر، ہرافتیان لیڈی ڈاکٹر بیرہ اسہ چنا سے بچفنگ کرے۔ ہسپتال نا دستاویز آتا رد اٹ زوال مروک چناتے درست کننگانے۔ہراڑے خاخر نا سوب آن بہادر پنی شاری نا اِرا جاڑ چناہم زوال مسر۔ ریسکیو کمامدار آتا رد اٹ فائر بریگیڈ نا 6 گاڈی خاخر ءِ کسفیر ہراکان پد کولنگ نا عمل برجا سلیس، و زالبول تتون 19 بندغ ءِ ریسکیو کننگا۔ پمز ہسپتال اٹی چناتا وارڈ اٹ تعینات مچ آ ٹیکنیکل اسٹاف ءِ معطل کننگانے۔ ایلو کنڈ آ خاخر لگنگ نا سوب آن زوال مروک 14 کودک چناءِ جہہ وجاگہ کننگا۔ 14 خاہوت اٹ خوشی اتوک آ کودک آ چناتا زوال مننگ مچ آ چاگڑد اٹ ارمان و ڈکھ تالان کرے۔ پمز انا نرسری ٹی 15 چناک ئسر ہرافتیان اسہ چنا سے اونا تاتہ بچفیسس۔ راولپنڈی ٹی اسہ مسڑ چنانا لمہ باوہ پاریر کہ چاہے لکھ انکوائری مرے و بھاز آتے سزا ہم تننگے ولے ننا اُراٹی ولدا پھل خرنگ کپک۔ اسہ زوال مروک چناسے نا لمہ پارے کہ 4 سال آن پد ننا اُرا ٹی پھل اس بس ہرااینو ننے آن ہنا۔ راولپنڈی ٹی اسہ چنانا باوہ سرکاری ہسپتال آتیٹی گچین بست و بند نا السی بست وبند کننگ نا فریاد کرسا پارے کہ ای انت غاو کیو۔ اللہ نا رضا غا راضی اُٹ۔