ڈاکٹر منیر احمد بلوچ جانجوڑی نا بنداوی ہند (بی ایچ یو) نلینٹ و کپر نا اناگت دورہ ءِ کرے
Get real time updates directly on you device, subscribe now.
گوادر، صوبائی حکومت نا جانجوڑی نا بشخ اٹی جوانی‘ جانجوڑی نا بنداوی ہند‘ (بی ایچ یوز) آتے فعال کننگ، الس ءِ آب اٹو طبی آسراتی تا فراوانی و جانجوڑی نا نظام اٹی بھرمی چاروکی و وخت آ رپورٹنگ نا گام گیج تا رِداٹ پیپلز پرائمری ہیلتھ کیئر انیشی ایٹو (پی پی ایچ آئی) گوادر نا ضلعی منیجر ڈاکٹر منیر احمد بلوچ جانجوڑی نا بنداوی ہند (بی ایچ یو) نلینٹ و کپر نا اناگت دورہ ءِ کرے۔او ہڑتوم آ بنداوی ہند (بی ایچ یوز) اٹی حاضری رجسٹر نا جاچ ءِ ہلک ہراڑے کل تعلقدار کارندہ غاک تینا تینا ڈیوٹی آ ساڑی ئسر۔ ڈاکٹر منیر احمد بلوچ طبی و انتظامی ریکارڈ تون اوار چندی بشخ آتا جم جاچ ءِ ہلک و الس ءِ فراوان کننگوک جانجوڑی نا آسراتی تا آب ءِ پین گچین جوڑ کننگ آ زور شاغا۔دا وخت آ او بی ایچ یو نا کارندہ غاتے DHIS-2 نا رِداٹ ہڑدے ئی و توئی رپورٹنگ، کمیونٹی سپورٹ گروپ نا دیوان تا بست و بند و توئی DHIS ایپ اٹی وخت آ و پورو رپورٹنگ نا بابت آن جاب ہیلکاری فراوان کرے۔