12 ربیع الاول جلوس، مذہبی مچی و ایلو مذہبی سرجز آتیکن فول پروف سیکورٹی بست و بند ءِ پک کننگا، ایس پی اوستا محمد
Get real time updates directly on you device, subscribe now.
اوستا محمد، الس ءِ معلومدار کننگک کہ 12 ربیع الاول نا متبر آ وخت آ بنجائی جلوس، مذہبی مچی و ایلو مذہبی سرجز آتیکن فول پروف سیکورٹی بست و بند ءِ پک کننگ کن اوستا محمد شار اٹی اسہ خاص ءُ سیکورٹی کنٹرول روم اس جوڑ کننگاسس‘۔ داخاص انگا کنٹرول روم ءِ ایس پی اوستا محمد حافظ معاذ الرحمن نا تینا چاروکی ٹی جوڑ کننگاسس۔ ایس پی اوستا محمد حافظ معاذ الرحمن تینٹ ٹی دا کنٹرول روم اٹی ساڑی مرسا سیکورٹی بست و بند آتا پدریسہ چاروکی ءِ کرے۔ وخت اس کہ بنجائی جلوس نا پن کروک کسر اہم انگا ہند‘ و ایلو حساس علاقہ غاتا پدریسہ چاروکی ءِ سی سی ٹی وی (CCTV) کیمرہ غاتا کمک اٹ کننگا۔ سیکورٹی کنٹرول روم اٹی پولیس افسر و کارندہ غاتے خاص زمواری تننگاسس۔