بارکھان و رکھنی ٹی ہم جشنِ میلاد النبی ﷺ مذہبی جوش، جوزہ، عقیدت و شرف اٹ اڈ تننگا

بارکھان/رکھنی، مچ آ ملک آنبار کوہِ سلیمان ڈویژن نا شار بارکھان و رکھنی ٹی ہم جشنِ میلاد النبی ﷺ مذہبی جوش، جوزہ، عقیدت و شرف اٹ اڈ ہلک۔ دا متبر وخت آ عاشقِ رسول ﷺ آک نبی کریم حضرت محمد مصطفیٰ ﷺ تون تینا مہر و عقیدت نا پورو وڑ اٹ درشانی ءِ کریر۔جشنِ میلاد النبی ﷺ نا بنجائی جلوس بائی پاس آ ساڑی فیضانِ مدینہ مسیت آن برآمد مس، ہراٹی چنا، ورنا، پیر انگا شرفمند ٓ السی شاری تا بھلو کچ اس بشخ ہلکر۔ جلوس جتا جتا بازار و پن کروک کسر تیان گدرینگا، ہراڑے السی شاری تا کنڈ آن جلوس ءِ بخیر کننگا و بشخ ہلوک آتیا پھل چٹ تننگا۔ جلوس اوکان پد تینا پک کروک کسر تیان مرسا بائی پاس آ ایسر مس جلوس نا وخت آ بشخ ہلوک آک درود و سلام نا پدریسہ ورد ءِ کریر و ”مرحبا مرحبا یا رسول اللہ ﷺ” و ”سرکار نا آمد مرحبا” نا نعرہ خلکر۔