سویلی ڈیرہ بگٹی سوئی، زین لوٹی و ڈیرہ بگٹی ٹی عاشقِ رسول ﷺ آک حضور پاک ﷺ تون تینا مہر و عقیدت نا درشانی ءِ کریر
Get real time updates directly on you device, subscribe now.
سویلی ڈیرہ بگٹی، 12 ربیع الاول نا وخت آ سوئی، زین لوٹی و ڈیرہ بگٹی ٹی عاشقِ رسول ﷺ آک آقائے دو جہاں حضرت محمد مصطفیٰ ﷺ تون تینا عقیدت و مہر انا درشانی کن مذہبی جلوس و ریلی تا بست و بند اڈ تسر۔ دا وخت آ ضلعی انتظامیہ نا کنڈ آن مچ آ علاقہ ٹی امن وایمنی ءِ برجا تخنگ و شاری تا جان و مال انا پورو رکھ اکن سیکورٹی نا فول پروف و جم بست و بند ءِ پک کننگاسس۔ ضلعی انتظامیہ نا افسر، ایف سی بلوچستان و پولیس فورس نا افسر و کارندہ غاک جلوس تا پن کروک روٹ وایلو اہم انگا ہند آتیا تینٹ ساڑی مرسا سیکورٹی نا حالیت آتا پدریسہ چاروکی ءِ کریر و بشخ ہلوک شاری تے پورو رکھ فراوان کریر۔