آزاد جموں و کشمیر اٹی پِر انا سوب آن جانی و مالی نسخان آ بلاول بھٹو نا ارمان

پاکستان پیپلز پارٹی نا چیئرمین بلاول بھٹو زرداری آزاد جموں و کشمیر اٹی بھلا پِر تا سوب آن مروک نہادی جانی و مالی نسخان آ بھاز ڈکھ و ارمان نا درشانی ءِ کرے۔ چیئرمین بلاول بھٹو زرداری پِر تا سوب آن مون تروک چندی شکست آتے ٹی نسخان مروک بندغ آتا پدخاہوت آتتون است ہسونی و یکجہتی نا درشانی ءِ کرسا زہمی پدخاہوت آتیکن صبرِ انا دعا کرے۔ او تعلقدار کمامدار آتے پارت کرے کہ پِر تا سوب آن زہمی خاہوت آتے دمدستی وڑ اٹ کمکی گڑا‘ ریسکیو، ہنکین و جانجوڑی نا آسراتی تا فراوانی ءِ پک کننگے۔ بلاول بھٹو زرداری پارے کہ مستی بھلا پِر تا پیشگوئی نا رِد اٹ ہلہلہ ئی تیاری تے پین بھرمی جوڑ کننگ نا گرج ءِ تانکہ ہر گمانی حالیت نا وخت آ مون توننگ مرے۔ او پیپلز پارٹی نا عہدیدار و کارندہ غاتے ہم پارت کرے کہ او پِر آن زہمی مروک علاقہ غاتیٹی کمکی کارووائی تیٹی تینا کڑد ءِ ادا کیر و زہمی الس نا کمک کن ہر وڑ انا گام گیج کیر۔