وزیراعظم محمد شہباز شریف نا پِر و نوکاپ آن زہمی خاہوت آتتون زرگزرانی کمک نا پارت

اسلام آباد، داسہ نا پِر و نوکاپ نا سوب آن مروک نسخان تا بابت اسہ اہم ءُ دیوان اس اڈ ہلک، ہراٹی وزیراعظم محمد شہباز شریف ءِ بشام نا زہم و کمکی کارروائی تا مونی ہنوک ردوریسہ نا بابت جم بریفنگ تننگا۔ دا وخت آ وزیراعظم شہباز شریف پارے کہ بنجائی وزیر و سیکرٹریک زہمی علاقہ غاتیٹی تینٹ ہنسا بحالی نا کاریم تا دمدستی بناءِ کرفر، وخت اس کہ زہمی بندغ آتسکان کِنشت نا گڑا و کمکی گڑاتے زُوت آن زُوت سر کننگے۔ داکان بیدس وزیراعظم پِر و نوکاپ نا سوب آن بھس مروک اُرا و بنداوی پنجر ءِ دمدستی وڑ اٹ بحال کننگ، الس نا رکھ اکن کمکی کارروائی تے پین ترند کننگ نا پارت کرے و داڑتون اوار زہمی خاہوت آتا زرگزرانی کمک کننگ نا پِرمان ہم کرے۔