ڈپٹی کمشنر لسبیلہ حمیرا بلوچ نا کماشی ٹی ڈی آئی سی سی نا دیوان
Get real time updates directly on you device, subscribe now.
لسبیلہ، ڈپٹی کمشنر لسبیلہ حمیرا بلوچ نا کماشی ٹی ڈسٹرکٹ انٹیلی جنس کوآرڈینیشن کمیٹی (DICC) نا اہم ءُ دیوان اس ڈی سی آفس اوتھل اٹی اڈ ہلک۔ دیوان اٹی ایڈیشنل ڈپٹی کمشنر لسبیلہ سراج احمد بلوچ و سیکورٹی فورس آتا بڑزکو افسر آک بشخ ہلکر۔ دیوان نا وخت آ ربیع الاول نا متبر آ تُو اٹی اڈ تروک جلوس، محفل و جلوس تا کسر نا سیکورٹی ءِ فول پروف کننگ کن اہم فیصلہ کننگا۔ دیوان آن تران کرسا ڈپٹی کمشنر لسبیلہ حمیرا بلوچ پارے کہ ربیع الاول اٹی اڈ تروک کل جلوس و محفل تیکن کن اسہ گچین و جامع سیکورٹی پلان اس جوڑ کننگانے۔ ڈپٹی کمشنر لسبیلہ تعلقدار کل محکمہ غاتے پارت کرے کہ او تین پہ تینی رابطہ ءِ پین سوگو کیر و کسر تیا سفائی و ایلو بنداوی آسراتی تا دمدستی فراوانی ءِ وخت آ پک کیر۔