تمپ اٹی تعلیمی محکمہ حکومتِ بلوچستان نا کنڈ آن طالب علم آتے بنداوی تدریسی آسراتی تا فراوانی و تعلیمی سرجز آتا شون اکن گام گیج برجا

تمپ، محکمہ تعلیم حکومتِ بلوچستان نا کنڈ آن تعلیمی ادارہ غاتیٹی مارومسڑ طالب علم آتے بنداوی تدریسی آسراتی تا فراوانی و تعلیمی سرجز آتا تا شون تننگ کن برجا گام گیج آتا ردوریسہ نا رد اٹ گورنمنٹ گرلز پرائمری اسکول قطبی رودبن اٹی سالانہ کلسٹر نا رِد اٹ مسڑطالب علم آتے ٹی تدریسی گڑا بشخ و پانٹ کننگا۔دا وخت آ اسکول نا ہیڈ ٹیچر میڈم شائستہ طالب علم آتے ٹی اسکول بیگ، پینسل، نوٹ بک، ربڑ، شارپنر، اسکول یونیفارم و ایلو المی تدریسی گڑاتے بشخا۔ دا گام گیج نا مسخت طالب علم آتے تعلیمی سرجز کن درکار بنداوی آسراتی تا فراوانی و اوفتیٹی جوانی اٹ تعلیم ءِ برجا تخنگ نا گچین وارخواہی تے پک کننگ ءِ۔دا وخت آ آ ہیڈ ٹیچر میڈم شائستہ پارے کہ تعلیمی محکمہ حکومت بلوچستان نا کنڈ آن تعلیمی ادارہ غاتیٹی طالب علم آتے گرجی تدریسی گڑاتا فراوانی اسہ ستا کڑزوک گام اسے ہراڑان طالب علم آتا تعلیمی سرجز آتیٹی آسراتی ودی مریک و اوفتا است بڈی ہم مریک۔