پاکستان بجٹ جوڑ کننگ نا بابت آئی ایم ایف نا شڑت آتا سوب آن گوربا
Get real time updates directly on you device, subscribe now.
اسلام آباد : پاکستان کو ءِ جہانی مالیاتی فنڈ (آئی ایم ایف) نا کنڈ آن بروک آ بجٹ اٹی بھلو ہدف تخنگ نا بابت بھلو زوراکی اس مون تروک ءِ۔ حوال آتا رداٹ آئی ایم ایف بروک آ مالی سال اکن 5100 ارب نا ٹیکس ہلفنگ خواہک، و آئی ایم ایف نا شڑت آتا رد اٹ بجٹ ہدف آتا پک مفننگ آ وام پروگرام دوارہ بنا کپک۔ حوال آتا رد اٹ آئی ایم ایف خواست کرینے بجٹ نسخان جی ڈی پی نا صفر اعشاریہ چار درسَد پک کننگے، وخت اس کہ سود و وام زرتس کن 2700 ارب روپئی جتا کننگے، حوال آتا رد اٹ آئی ایم ایف نا خواست آ 5100 ارب روپئی نا ہدف دوئی کننگ کن 800 ارب روپئی نا پوسکن ءُ خراج خلوئی تمک۔ حوال آتا رد اٹ وزارت خزانہ آئی ایم ایف نا بجٹ ہدف آتا بابت ہچ ءُ فیصلہ اس کننگ کپننگ ءِ۔ و وزارت خزانہ تینٹ زمواری ہرفنگ نا جاگہ غا غٹ ہدف آتے وزیر اعظم آن پک کرفنگ خواہک۔