ڈپٹی کمشنر سیوی نا کماشی ٹی عئید میلاد النبی نا بست و بند آتیکن دیوان
Get real time updates directly on you device, subscribe now.
سیوی، 12 ربیع الاول نا مناسبت اٹ عئید میلاد النبی نا جلوس نا بست و بند و سیکورٹی نا بابت ڈپٹی کمشنر سیوی میجر (ر) الیاس کبزئی نا کماشی ٹی اہم ءُ دیوان اس اڈ ہلک، ہراٹی ونگ کمانڈر کرنل شہریار، ایس ایس پی عبدالحمید، اسسٹنٹ کمشنر منصور علی شاہ، اسسٹنٹ کمشنر بختیار آباد میر بہادر خان بنگلزئی، چیئرمین میونسپل کمیٹی سردار محمد خان خجک، عالم دین‘ جلوس کمیٹی و کانود نافذ کروک ادارہ غاتا افسر آک بشخ ہلکر۔ دیوان اٹ 12 ربیع الاول نا بنجائی جلوس نا روٹ‘ سیکورٹی، سفائی نا حالیت‘ ٹریفک تون اوار ایلو المی بست و بند آتا جم جاچ ءِ ہلنگا۔ دا وخت آ عالم دین و جلوس کمیٹی نا نمائندہ غاک جلوس نا روٹ و بست و بند آتا بابت انتظامیہ ءِ جم معلومدار کریر و چندی باندات آتا نشاندہی ءِ کریر۔ دیوان آن تران کرسا ڈپٹی کمشنر سیوی میجر (ر) الیاس کبزئی پارے کہ 12 ربیع الاول اسہ مقدس وبرکتی ءُ دے اسے، دا وخت آ اڈ تروک جلوس کن ضلعی انتظامیہ نا کنڈ آن وس انا کچ آ کمک و آسراتی فراوان کننگک۔