میر عبدالغفور کلمتی ٹیچنگ ہسپتال گوادر جوان کاریم کننگ ءِ، ایم ایس

گوادر، وزیراعلیٰ بلوچستان میر سرفراز بگٹی نا وژن و صوبائی حکومت نا السی جانجوڑی پالیسی نا رداٹ میر عبدالغفور کلمتی ٹیچنگ ہسپتال گوادر اٹی الس ءِ آب اٹو‘ وخت آ و رسینگ گیگ طبی آسراتی تا فراوانی نا ردوریسہ برجا ءِ۔ ہسپتال انتظامیہ نا رداٹ جولائی نا تُو اٹ جتا جتا بشخ آتیٹی ہزار آ ناجوڑ آتے درمان، تشخیص و ایلو المی طبی آسراتی فراوان کننگا۔ میڈیکل سپرنٹنڈنٹ ڈاکٹر حفیظ بلوچ پارے کہ جولائی ٹی ہسپتال نا او پی ڈی ٹی 10,527، ایمرجنسی ٹی 2,479 وخت اس کہ گائنی او پی ڈی ٹی 1,137 ناجوڑ آتے طبی آسراتی فراوان کننگا۔ نت کبین زالبول آتا چنا ودی مننگ آن مست انا درمان نا رد اٹ جم وڑاٹ 750 اے این سی کیس رپورٹ مسر، وخت اس کہ 24 زالبول آتا رکھوک ٓ ڈیلیوری ہسپتال اٹی کننگا۔ او پارے کہ ناجوڑ آتے بھرمی تشخیصی آسراتی تا فراوانی کن جولائی نا تُو اٹی 811 الٹراساؤنڈ، 26 ای سی جی، 512 ایکسرے و 4,931 لیبارٹری ٹیسٹ کننگا۔