تھیلیسمیا و ایلو ناجوڑ آتا دتر نا گرج آتے پورو کننگ ءِ زمواری تکنہ،طارق رفیق بلوچ

خاران، اقراء بلڈ بینک اینڈ فاؤنڈیشن خاران نا کنڈآن کلی ہرو نا ہندی مدرسہ ٹی اسہ دے ئی بلڈ ڈونیشن کیمپ انا بست و بند کننگا، کیمپ انا بنا دعائے خیر آن مس، و ہندی عالمِ دین حافظ مجیب الرحمن دتر تننگ نا اہمیت آ ہیت و گپ کرے، وخت اس کہ علاقائی ورنا و ایلوفک تھیلیسمیا و ایلو ناجوڑ آتیکن دتر نا عطیہ تسر، و بھلو کچ اسے ٹی کیمپ اٹی بشخ ہلکر۔ ادارہ نا بانی و راجی کارندہ طارق رفیق بلوچ پارے کہ اقراء بلڈ بینک اینڈ فاؤنڈیشن خاران تینا کمک اٹ چلینگک ہرا ہر سال ڈونر ڈے آ خاران شار اٹی بلڈ ڈونیشن کیمپ اڈ ایتک، وخت اس کہ شار آن پیشن اولیکو وار کلی ہرو اٹی کیمپ اڈ تننگا ہراٹی تھیلیسمیا و ایلو ناجوڑ آتیکن دتر نا عطیہ غاتے مچ کننگا، انتئے کہ ادارہ نا مسخت اسہ بندغ اسے نا ساہ دتر مفننگ آن زیان مفننگ ءِ‘ ادارہ ءِ تھیلیسمیا و ایلو ناجوڑ آتیکن دتر نا سخت گرج مریک و کلی ہرو اٹی کیمپ اڈ تننگ دتر نا گرج ءِ پورو کننگ نا اسہ لڑ سے‘ خاران نا ورناک اولیکو دے آن دا کودک آ چناتیکن دتر نا عطیہ تسر، ادارہ دتر نا کمتی ءِ پورو کننگ کن ہر یونین کونسل و جتا جتا کلی تیٹی بلڈ ڈونیشن کیمپ اڈ ایتک۔ دا وخت آ آ صدر اقراء بلڈ بینک اینڈ فاؤنڈیشن خاران واجد بلوچ، جنرل سیکرٹری سہیل احمد، انچارج واشک زون نصیب اللہ بلوچ کیمپ اٹی خذمت سر تسر۔ ادارہ نا منتظم آک کلی ہرو نا باتی و و ہندی ورنا تا کیمپ انا اڈ تننگ آ منت واری ءِ ہرفیر۔ (حوالی محمد عیسیٰ محمد حسنی)