اسلام و سائنس ہڑتوم آک لمہ نا پال/ انا اہمیت ءِ پک کیرہ،ڈی ایچ او چاغی ڈاکٹر عبدالمالک بلوچ
پوسکن آ سائنس اینو راستی تے پک کننگ ءِ، اسلام چارنڑدہ سد سال مست لمہ نا پال/ آ چنا نا حق ءِ بنداوی گونداسس
Get real time updates directly on you device, subscribe now.
چاغی، بلوچستان نیوٹریشن ڈائریکٹوریٹ محکمہ جانجوڑی ناکنڈآن‘ نیوٹریشن ڈائریکٹر ڈاکٹر نعیم زرکون نا پارت و یونیسیف نا کمک اٹ دالبندین اٹی ‘ورلڈ بریسٹ فیڈنگ منتھ 2026ء’ نا رد اٹ اسہ آگاہی سیمینار و واک اسے نا بست و بند کننگا۔ دود انا بنداوی مسخت لمہ نا پال/ انا فائدہ و چنا تا جانجوڑی آ اونا جوان زہم تا بابت پام بیدار کننگ ئس۔ سیمینار اٹی ڈی ایچ او چاغی ڈاکٹر عبدالمالک بلوچ، ڈسٹرکٹ نیوٹریشن کوآرڈینیٹر خلیفہ عبدالباسط ایجبانی، ڈسٹرکٹ پولیو آفیسر ڈاکٹر شیر محمد خان سنجرانی، صدر پیرامیڈیکل ایسوسی ایشن الٰہی بخش بلوچ، سرپرست اعلیٰ حامد گل یوسفزئی، سی سی او یونیسیف جلیل احمد بلوچ و او ٹی پی انچارج محمد آصف بلوچ تون اوار ایلو اہم شخصیت آک بشخ ہلکر و تران کریر۔ ترانکار آک پاریر کہ پوسکن آ طبی سائنس اینو ہرا راستکی تے پک کننگ اٹی ءِ‘ اسلام 1400 سال مست اوفتا راہشونی کریسس۔ لمہ نا پال/ چنا نا شرعی و بنداوی حق ءِ‘ طبی فائدہ افادیت و راستکی ہیت آتیا ترانکار آک پاریر کہ چنا نا زند نا اولیکو 1000 دے اونا ذہنی و جسمانی ردوم کن بھاز اہم ءُ۔ ودی مننگ آن دمدستی پد نا اولیکو لمہ نا پال/ چنا کن قدرت نا اولیکو ویکسین ءِ‘ ہرا اودے ناجوڑی تیان بچفک۔ سیمینار اٹی نیشنل نیوٹریشن سروے 2018ء نا حساب کتاب آ گڑتی نا درشانی کننگا، ہرافتا رداٹ بیرہ 61.1 درسَد لمہ غاک ودی مننگ نا اولیکو گھنٹہ ٹی و بیرہ 43.9 درسَد لمہ غاک بنداوی شش تُو اسکان چنا ءِ بیرہ تینا پال/ ءِ کفرہ۔ ڈبہ نا فارمولا چنا نا جانجوڑی کن سخت نسخان ناسوب ءِ‘ غذائی تنکی نا سوب جوڑ مریک۔ ڈی ایچ او چاغی ڈاکٹر عبدالمالک بلوچ و ڈسٹرکٹ نیوٹریشن کوآرڈینیٹر خلیفہ عبدالباسط ایجبانی عزم کریر کہ دا مہم ءِ خلق آتیٹی، تعلیمی ادارہ و ہیلتھ ہاؤسز اسکان تالان کننگک۔ دود اٹ بینظیر نشوونما پروگرام، لیڈی ہیلتھ ورکرز و کمیونٹی مڈوائفری اسکول نا طالب علم آک ہم بشخ ہلکر۔ (نامہ نگار)