جماعت اسلامی نا پیٹرولیم لیوی نا برخلاف گورنر ہاؤس سندھ نا پیشن دھرنا تننگ نا پڑو

کراچی جماعت اسلامی پیٹرولیم لیوی اٹی کمتی مفننگ نا برخلاف گورنر ہاؤس سندھ انا پیشن دھرنا تننگ نا پڑو کرینے، ہراٹی دھرنا نا 15 دے ئی شیڈول ہم تیار کننگانے۔ امیر جماعت اسلامی حافظ نعیم الرحمن پارے کہ پیٹرولیم نا نہاد آتیٹی ودکی آن ہر گڑا کبین مریک۔ او پارے کہ ملک انا ایلیٹ کلاس خراج تفک، وخت اس کہ غریب بندغ بیدادی اٹ خوار مننگ اٹی ءِ‘ مست آن شون ہلوک تپہ ءِ ہر گڑاءِ مُفت تننگ انگ ءِ و آئی پی پیز نا مالک آتا کٹیا غان خراج ہلنگ مفک۔ اسہ بیان اسے ٹی منعم ظفر پارے کہ حکومت پیٹرولیم لیوی نا مد اٹی پک کروک مسخت آن کساس 100 ارب روپئی زیات دوئی کرینے‘ خراج نا مسخت آتا دوئی کننگ اٹ بے سہب حکومت پیٹرولیم لیوی ءِ کٹیا نا وسیلہ جوڑ کرینے۔ لاہور اٹی ہم جماعت اسلامی نا چاروکی ٹی پیٹرولیم لیوی نا برخلاف برانزی دھرنا چیئرنگ کراس مال روڈ آ تننگک۔