آئی جی پولیس بلوچستان محمد طاہر نا ٹراما سینٹر نا دورہ، ٹھپی مروک پولیس کارندہ غاتا جانپڑسی
Get real time updates directly on you device, subscribe now.
کوئٹہ، آئی جی پولیس بلوچستان محمد طاہر ٹراما سینٹر نا دورہ ءِ کرے ہراڑے او مستونگ و چمن نا واقعہ غاتیٹی ٹھپی مروک پولیس کارندہ غاتا جانپڑسی ءِ کرے۔ دا وخت آ ڈاکٹر آک آئی جی پولیس ءِ ٹھپی مروک کارندہ غاتا جانجوڑی و اوفتا برجا درمان نا بابت بریفنگ تسر۔ آئی جی پولیس بلوچستان محمد طاہر طبی کارندہ غاتے پارت کرے کہ ٹھپی مروک کارندہ غاتا درمان اٹی ہچ کمتی النگپک و اوفتے کل آن جوان و گچین طبی آسراتی تا فراوانی ءِ پک کننگے۔ او پارے کہ پولیس الس نا جان و مال انا رکھ اکن تینا جان تے ندر کیک‘ ہندا سوب آن ٹھپی مروک کارندہ غاتا پبی چکار و گچین طبی آسراتی تا فراوانی حکومت و ریاست نا اولیکو زمواری ءِ۔