شاہد رندنا خضدار و قلات نا سیم شور پرود اٹی سیکورٹی فورس آتا سرسہب آپریشن نا ستا
Get real time updates directly on you device, subscribe now.
کوئٹہ، کمکار وزیر اعلیٰ بلوچستان حوالکاری و سیاسی باندات شاہد رند خضدار و قلات نا سیمی دنگ شور پرود نا مشی آ علاقہ ٹی سیکورٹی فورس آتا سرسہب انٹیلیجنس بیسڈ آپریشن نا ستاءِ کرسا پارینے کہ دہشت گرد آتا برخلاف وخت آ و بھرمی کارروائی سیکورٹی فورس آتاکسبی لائخی، بہادری و عزم انا پاش شاہدی ءِ۔ تینا بیان اٹی شاہد رند پارے کہ اودیم حوال نابنداو آ شور پرود نا مشی آ علاقہ ٹی دہشت گرد آتا برخلاف سرسہب کارروائی ستا کڑزک، آپریشن نا وخت آ سیکورٹی فورس آک دہشت گرد آتا چندی ہند آتے شست کریر و ہڑتوم آ کنڈآن سم کاری ٹی 10 دہشت گرد خلنگار وخت اس کہ کیہیک ٹھپی مسر۔ کمکار وزیر اعلیٰ پارے کہ آپریشن آن پد علاقہ ٹی سرچ اینڈ کلیئرنس کارروائی تا برجا سلنگ دا ہیت انا شاہدی ءِ کہ سیکورٹی فورس آک دہشت گرد آتا برخلاف پورو عزم اٹ کارروائی کننگ اٹی ءُ۔ نرّوک دہشت گرد آتا پٹ و پول ہم برجا ءِ و اوفتے کانود نا دنگ اٹ اتنگ کن کل المی گام گیج کننگ انگ ءِ۔