دہشت گرد آتا برخلاف وخت آ و بھرمی کارروائی سیکورٹی فورس آتا کسبی لائخی ءِ، میرسرفراز بگٹی

کوئٹہ، وزیراعلیٰ بلوچستان میر سرفراز بگٹی خضدار و قلات نا سیمی دنگ شور پرود نا مشی علاقہ ٹی سیکورٹی فورس آتا سرسہب انٹیلیجنس بیسڈ آپریشن نا ستاءِ کرسا پارینے کہ دہشت گرد آتا برخلاف وخت آ و بھرمی کارروائی سیکورٹی فورس آتا کسبی لائخی، بہادری و نزور مفروک عزم انا پاش شاہدی ءِ۔ وزیراعلیٰ پارے کہ شور پرود نا سخت انگا مشی علاقہ ٹی دہشت گرد آتا برخلاف سرسہب کارروائی ستا کڑزک۔ سیکورٹی فورس آک اودیم حوال نا رد اٹ بھرمی کارروائی کرسا دہشت گرد آتا کیہی ہند آتے شست کریر، وخت اس کہ ہڑتوم آکنڈآن سم کاری ٹی 10 دہشت گرد خلنگار و کیہیک ٹھپی مسر۔ میر سرفراز بگٹی پارے کہ سیکورٹی فورس آک اسہ وار ولدا پک کریر کہ بلوچستان نا امن ءِ نسخان رسیفوک آتا برخلاف ریاست پورو واک و عزم اٹ کارروائی نا لائخی تخک۔ دہشت گردی نا برخلاف جنگ اٹی سیکورٹی فورس آتاقربانی و خذمت آک مچ آ قوم اکن گمر نا سوب ءُ۔ وزیراعلیٰ پارے کہ آپریشن آن پد سرچ اینڈ کلیئرنس کارروائی تا برجا سلنگ ستاکڑزک۔نرّوک دہشت گرد آتا پٹنگ ءِ برجا تخنگک و اوفتے کانود نا دنگ اٹ اتنگ کن کل دوئی وسیلہ غاتے کاریم اٹ اتنگے۔