طفیل نور چنال بی این پی ءِ السا مسلم لیگ (ن) اٹی ہنا
Get real time updates directly on you device, subscribe now.
خاران‘ صوبائی وزیر خزانہ و معدنیات حاجی میر شعیب جان نوشیروانی نا السی خذمت و شونداری وژن آ پت انا درشانی ءِ کرسا راجی کارندہ‘ چیئرمین الحمد ٹرسٹ فاؤنڈیشن خاران و پنی آ قبائلی و راجی شخصیت طفیل نور چنال 16 سال انا سیاسی تعلقداری آن پد بلوچستان نیشنل پارٹی (مینگل) آن استیفہ تس و پاکستان مسلم لیگ (ن) اٹی اوار مس۔ طفیل نور چنال تینا خلق خاہوت، خڑک تینائی و ہم خیال سنگت آتتون اوار حاجی میر شعیب جان نوشیروانی نا کماشی آ پورو پت انا درشانی ءِ کرسا اونا السی کاروان اٹی اوار مننگ نا پڑو ءِ کرے۔دا وخت آ تینا خیال آتا درشانی ءِ کرسا طفیل نور چنال پارے کہ او میر شعیب جان نوشیروانی نا الس دوست پالیسی، السی خذمت نا جوزہ‘ گچین راہشونی و خاران نا تعمیر و شونداری نا پیدوار وژن آن زہمی مرسا مسلم لیگ (ن) اٹی اوار مننگ اٹی ءِ۔ او پارے کہ میر شعیب جان نوشیروانی السی ویل آتا ایسری و ضلع خاران نا شون اکن نہادی کاریم کرینے۔ ہرافتے الس شرف ایتک۔او مستی پارے کہ اینو آن او تینا کل لائخی، سیاسی آزموندہ و راجی خذمت آتے میر شعیب جان نوشیروانی نا السی کاروان نا سوگوی و خاران نا الس نا خذمت کن ایتک‘ او پارے کہ خاران نا مدامگی شون، شونہالی و السی آسودہی کن میر شعیب جان نوشیروانی نا کماشی ٹی پبی کڑد ادا کیک۔