ٹروتھ کمیشن نا جوڑ کننگ کن ایکشن کمیٹی نا کنڈ آن اونا چٹھی نا ورندی ملانے، بلاول بھٹو

مظفر آباد، چیئرمین پاکستان پیپلز پارٹی بلاول بھٹو زرداری پارینے کہ کشمیر جوائنٹ ایکشن کمیٹی نا کنڈ آن اونا چٹھی نا ورندی رسینگانے‘ ہراٹی ٹروتھ کمیشن نا جوڑ کننگ نا سلاہ نا ورندی ٹی ایکشن کمیٹی تینا سلاہ تے راہی کرینے۔ او پارے کہ ایکشن کمیٹی نا کنڈ آن اونا چٹھی نا ورندی رسینگانے ہراٹی ٹروتھ کمیشن نا بابت اوفتا تینا سلاک ہم اوار ءُ۔ بلاول بھٹو زرداری پارے کہ ہر نہادی جان اسے نا زیان اسہ است ہسون ءُ قومی واقعہ اسے و دا وخت آ اونا اولیکو اولیت ساڑی تنکی نا خلاس کننگ ءِ‘الس ءِ دمدستی آسودہی نا فراوانی و آزاد جموں و کشمیر اٹی زُوت آن زُوت ہڑدے ئی زند انا بحالی ءِ۔ بلاول بھٹو دا ہیت اناستاءِ کرے ایکشن کمیٹی سلاہ ئی کمیشن ءِ مونی دننگ کن اسہ وڑ اسے ٹی امنا کرینے، و دا کمیشن نا منظوری داسہ آزاد جموں و کشمیر قانون ساز اسمبلی ہم تسنے۔ بلاول بھٹو مستی پارے کہ ای ایکشن کمیٹی نا سلاہ تا خوڑتی اٹ جاچ ءِ ہلیوہ، و دا بابت آزاد جموں و کشمیر نا وزیراعظم تون ہم سلابت کینہ۔ وزیراعظم آزاد کشمیر بنجائی حکومت و ایلو تعلقدار بشخ آتیان بنائی سلاہ ہلیک تانکہ سما مرے کہ اسیجائی امنائی سلاہ اسے مونی دننگ کن بنداو ساڑی اے یا آخا۔