موسیٰ خیل: یومِ آزادی و یومِ استحصال کشمیر نا تیاری کن انتظامی دیوان
Get real time updates directly on you device, subscribe now.
ڈپٹی کمشنر موسیٰ خیل عبدالرزاق خجک نا کماشی ٹی 14 اگست یومِ آزادی و یومِ استحصال کشمیر نا بابت اسہ اہم ءُ انتظامی دیوان اس اڈ ہلک۔ دیوان اٹی ضلعی انتظامیہ و کل لائن ڈیپارٹمنت آتا سروک آک بشخ ہلکر ہراٹی ہڑتوم آ قومی دے تے بھاز گچین‘ ہُب و جوزہ و منظم وڑ اٹ اڈ تننگ کن فیصلہ غاتیا سجفنگا۔ دیوان اٹی امنائی وڑ اٹ فیصلہ کننگا کہ دا سال جشنِ آزادی ءِ ملی جوزہ اٹ اڈ تننگک۔ دا رد اٹ سرکاری ماڑی تیا بتی‘ قومی بیرک خلنگک و ضلعی کہول آ دود اڈ تننگک۔ دیوان نا وخت آ یومِ استحصال نا بابت ہم خاص پروگرام تا تیاری تا جاچ ہلنگا، تانکہ کشمیری الس تون پبی یکجہتی نا درشانی کننگ مرے و مظلوم کشمیری تا جہد ءِ پیدوار کننگ مرے۔