چاغی نا خڑک انا کاریز آک بارّسر، الس نا خوار مننگ نا گمان

چاغی نا خڑک انا کاریز آک بارّسنو، کاخت سالی و سال انا سَفائی مفننگ نا سوب آن چاغی شار انا خڑک اہم انگا کاریز گواتکو پدگیابان و پدگی کاریز پورو وڑ اٹ بارّسنو، بڑزکو کمامدار آک دا بابت نوٹس ہلیر۔ سرجم حوال آتا رِد اٹ چاغی ٹی کاریز آک کرن آتیان علاقہ نا کشارگر آتا کشت وکشار ودیر انا وسیلہ مسنو۔ پدریسہ کم پِر، ڈغار نا دیر انا شیف ہننگ و کاریز نا وخت آ سفائی و جوڑ جاڑ مفننگ نا سوب آن اینو دا نہادی نظام بھس مننگ نا دنگ آسرمسنے۔ ہندی کشارگر آک بھاز گڑتی نا درشانی ءِ کرسا پارینو کہ اگہ دمدستی گام گیج کننگتو تو علاقہ ٹی کشت وکشار پورو وڑ اٹ بھس و دیر انا تنکی پین ودک۔ او پاریر کہ کاریز ننا ربیدگی و زند ءِ‘ اوفتا بچفنگ ننا کل انا اسیجائی زمواری ءِ۔ چاغی (نامہ نگار)