ہیپاٹائٹس نا وخت آ تشخیص آن جغر ءِ بچفنگ مریک، کامریڈ اللہ نور بلوچ

کامریڈ اللہ نور بلوچ پارینے کہ ہیپاٹائٹس نا وخت آ تشخیص آن جغر ءِ خطرناک آ ناجوڑی آن بچفنگ مریک۔ او پارے کہ مچ آ دنیا غانبار پاکستان اٹی ہم جہانی ہیپاٹائٹس دے اڈ تننگ انگ ءِ۔ ہرانا مسخت الس اٹی ہیپاٹائٹس نا ناجوڑی، دانا سوب، علامت، بچنگ و وخت آ تشخیص نا بابت سُج پام پاش کننگ ءِ‘ جانجوڑی چاہندار آتا رد اٹ اٹ جغر انسانی جون نا اہم ءُ بشخ اسے ہرا دتر ءِ سفا کننگ، توانائی ودی کننگ و بدن ءِ ناجوڑی تیان بچفنگ اٹ کمک فراوان کیک، ولے جغر اٹی ناجوڑی ودی مننگ نا حالیت اٹی اودے ہیپاٹائٹس پاننگک۔ ہیپاٹائٹس نا بنداوی وڑ اٹ پنچ قسم ءُ ہرافتیٹی اے، بی، سی، ڈی و ای اوار ءُ۔ او الس آ زور شاغا کہ ہیپاٹائٹس نا وخت آ تشخیص کن ٹیسٹ کرفر انتئے کہ زُوت تشخیص و درمان آن جغر ءِ نسخان آن بچفنگ مریک۔ چاغی (نامہ نگار)