نصیر آباداٹی ہیپاٹائٹس نا جہانی دے انا رد اٹ آگہی کن ریلی

ہیپاٹائٹس نا جہانی دے انا وخت آ ضلع نصیر آباد اٹی بلوچستان نا چاہندار کنسلٹنٹ لیور ٹرانسپلانٹ پیتھالوجسٹ ڈاکٹر بہاول لہڑی نا کماشی ٹی ہیپاٹائٹس آن سُج پام کن اسہ بھلو ریلی اس کشنگا، ہرا ڈی ایچ او آفس آن بنا مرسا سول ہسپتال روڈ و کمشنر آفس آن مرسا پدی ڈی ایچ او آفس آ سرمس۔ ریلی ٹی ڈسٹرکٹ چیئرمین فریدالحق لہڑی، ڈسٹرکٹ ہیلتھ آفیسر ڈاکٹر ایاز جمالی، ایم ایس ڈاکٹر حبیب پندرانی، است انا ناجوڑی تا چاہندار ڈاکٹر محمد اسماعیل جتک، ڈاکٹر عبدالغفار ہاشمی، ڈاکٹر عارف لہڑی، ڈاکٹر محمد رفیق لہڑی، ڈاکٹر نصیر عمرانی، ڈاکٹر حماداللہ زہری، ڈاکٹر ظاہر حسین عمرانی، سب ڈویژنل آفیسر بی اینڈ آر ذوالفقار علی لہڑی، میر مزا مینگل، ڈاکٹر عبد الفتح لہڑی، خان جان بنگلزئی، قبائلی راہشون عبدالرؤف لہڑی، اقلیتی راہشون داسو مل، ہرپال داس، میڈیکل ایسوسی ایشن نا مختیار جتک، ارباب پندرانی تون اوار نرینہ، نیاڑی و جتا جتا بشخ آتتیان تعلقدار بندغ آک بھلو کچ اسے ٹی بشخ ہلکر۔