آزاد کشمیر میرپور ڈویژن اٹی انتخابی مہم چٹا، 27 جولائی آ پولنگ مریک
Get real time updates directly on you device, subscribe now.
آزاد کشمیر میرپور ڈویژن نا 3 ضلع غاتا 13 حلقہ غاتیٹی انتخابی مہم نا وخت نن نا 12 بجہ غا چٹا۔ پولنگ اسٹیشن آتا انتخابی گڑا تا ترسیل اینو بناء مریک، آزاد کشمیر کانود ساز اسمبلی نا اولیکو ریسہ ٹی میرپور ڈویژن نا 3 ضلع غاک میر پور، کوٹلی و بھمبھر نا 13 حلقہ غاتیٹی پولنگ 27 جولائی آ مرو۔ دا حلقہ غاتیٹی رجسٹرڈ ووٹرز نا جم کچ 14,01,439 اے ہرافتٹی 7,25,118 نرینہ و 6,75,628 نیاڑی ووٹرز اوار ءُ۔ میرپور ڈویژن اٹی جم وڑ اٹ 2,454 پولنگ اسٹیشن ٹہیفنگانو ہرافتٹی ضلع میرپور نا 4 حلقہ غاتیٹی 597، ضلع کوٹلی نا 6 حلقہ غاتیٹی 1,107 و ضلع بھمبر نا 3 حلقہ غاتیٹی 608 پولنگ اسٹیشن اوار ءُ۔ میرپور ڈویژن نا 13 حلقہ غاتیٹی مسلم لیگ (ن)، پاکستان پیپلز پارٹی، استحکام پاکستان پارٹی جتا جتا جماعت و آجو حیثیت اٹ جم وڑ اٹ 296 امیدوار میدان اٹی ءُ۔