ورناک بلوچستان نا نہادی میرات و صوبہ نا روشنا آخبت نا ضمانت ءُ، درا بلوچ
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز بگٹی نا وژن، صوبائی سلاہکار اسپورٹس و ورنا باندات مینا مجید نا خاص پارت و سیکرٹری اسپورٹس و ورنا باندات درا بلوچ نا پرمان آ بلوچستان نا ورناتے واکدار جوڑ کننگ، اوفتا لائخی تے کاریم اٹ اتنگ و ورنا چین نا توار ءِ پالیسی سازی نا عمل نا بھرمی بشخ جوڑ کننگ نا ارادگی نا رد ات محکمہ اسپورٹس و ورنا باندات بلوچستان نا ناکنڈآن اقوام متحدہ نا ادارہ آبادی (UNFPA) و اسلامک ریلیف نا کمکاری اٹ “Provincial Youth Policy Dialogue & Commitment Forum” اڈ ہلک‘ فورم نا مسخت بلوچستان نا ورناتے مون تروک ویل، اوفتا گرج، اولیت و آخبت نا وارخواہی تیا بھرم تروک گپ وتران ءِ شون تننگ، ورناتا سلاہ تے پالیسی سازی نا بشخ جوڑ کننگ و صوبہ ٹیورناتا شونداری وشونہالی کن بھرمی و قابلِ عمل گام گیج آتیا اسیجائی لائحہ عمل جوڑ کننگ ئس۔ فورم آن تران کرسا سیکرٹری اسپورٹس و ورنا باندات درا بلوچ پارے کہ ورناک بلوچستان نا نہادی میرات و صوبہ نا روشنا آخبت نا ضمانت ءُ۔