صوبائی دارالحکومت نا زیبائی و بنداوی پنجر نا گچینی حکومت نا زموری ءِ‘ میر سرفراز بگٹی

کوئٹہ، وزیراعلیٰ بلوچستان میر سرفراز بگٹی پارینے کہ کوئٹہ بلوچستان نا پجار ءِ‘ صوبائی دارالحکومت نا زیبائی، بنداوی پنجر نا گچینی و شاری آسراتی تا فراوانی حکومت نا اہم انگا زمواری ءِ‘ کوئٹہ بروک آ ملکی و درملکی مہمان تے صوبہ نا شون، ربیدہ و زیبائی نا مثبت تاثر ایتک‘ دا خیال آتا درشانی او دوشنبے نا دے کوئٹہ ڈیولپمنٹ پیکج نا پیشرفت تون تعلقدار جاچ دیوان آن تران کرسا کرے۔ وزیراعلیٰ بلوچستان پارے کہ کوئٹہ ڈیولپمنٹ پیکج نا رد اٹ برجا ڈٹ آتا وخت آ پوروی تون اوار اوفتا آب ءِ ہم پک کننگے۔ شونداری ڈٹ آتیٹی سٹی رے تے سگنگ مفک۔ او پارے کہ کوئٹہ ٹی روڈ‘ گرین بیلٹس، پارکس، نکاسی آب و ایلو بنداوی آسراتی تا گچینی آ خاص چکار کننگے تاکہ شاری تے گچین چاگڑد و آسراتیک رسینگ کیر۔ میر سرفراز بگٹی پارے کہ کوئٹہ بیرہ صوبائی دارالحکومت آخا بلکہ بلوچستان نا پجار و صوبہ نا زیبائی ءِ‘ ہندا سوب آن شار انا شونداری، زیبائی و بنداوی پنجر نا گچینی ءِ اولیتی بنداو تیا مستی دننگے۔