راست معلومداری اسکان رسینگ جمہوریت کن المی ءِ،صدر آصف علی زرداری

اسلام آباد، صدر مملکت آصف علی زرداری پارینے کہ راست، پتدار و پک معلومداری اسکان شاری تا رسینگ باخبر و بھرمی جمہوریت کن بھاز المی ءِ‘ وخت اس کہ ڈیجیٹل پلیٹ فارم، آرٹیفیشل انٹیلیجنس و ایلو پوسکنوڑ ٹیکنالوجی تا شون ہلنگ نا سوب آن پتدار معلومداری اسکان رسینگ نا اہمیت پین ودانے۔ معلومداری اسکان رسینگ نا جہانی دے انا رد اٹ تینا کلہو اٹی صدر آصف علی زرداری پارے کہ ریاست شاری تا معلومداری تسکان رسینگ نا آئینی حق انا رکھ اکن سنبرینگوک ءِ‘ آئین پاکستان شاری تا معلومداری حق اکن پیدوار بنداو اس فراوان کیک، وخت اس کہ 18 می آئینی ترمیم آجو سلاہ درشانی نا آئینی پنجر ءِ پین سوگو کرسا آرٹیکل 19 اے ءِ اوار کرے‘ صدر مملکت پارے کہ ساڑی دور اٹی راست و پتدار معلومداری اسکان رسینگ مست آن زیات اہم مننگ تون اوار مشکل ہم مسنے۔ او شاری تا معلومداری پٹنگ نا حق انا رکھ آ زور شاغسا پارے کہ اوفک بایدے معلومداری دوئی کننگ بود تخر۔ او پارے کہ واپاری بنداو تیا تالان کروک دروغ نا حوال آتا مون ءِ توننگ کن کوشست آتے پین متحرک کننگے۔ دا رد اٹ معلومداری نا راست و زموارانہ تالانی نا اہمیت ءِ پیدوار کرسا صدر مملکت صحافی، میڈیا ادارہ، ابلاغ بشخ انا چاہندار‘ محقق وایلو چاہندار آتا کڑد آ زیات چکار کننگ نا گرج آ زور شاغا۔ صدر آصف علی زرداری پارے کہ روا السی فائدہ نا صحافت، انصاف اٹ تنقید و بھرم تروک السی شرہ غاتے توننگ نا موکل تننگپ۔ او دا ہیت آ زور شاغا کہ شاری تے پتدار و پک معلومداری اسکان بایدے رسینگ گیگ مرے تاکہ او اہم قومی و السی باندات آتیا معلومداری آ تالان سلاہ تننگ کیر۔