بے سلاہ غان بست و بندی بدلیک کننگار، منپنہ تا، نواب رئیسانی

مسکوہی وزیراعلیٰ بلوچستان، صوبائی اسمبلی نا باسک و چیف آف سراوان نواب محمد اسلم خان رئیسانی پارینے کہ حکومتی فیصلہ غاتیان اسمبلی نا باسک آتا زہمی مننگ آن پد ہم اوفتا چپی گڑتی نا ہیت اسے۔ بلوچستان نا ویل انتظامی ءِ وزیراعلیٰ نا بدلی آن آخا بلکن سیاسی وڑ اٹ ایسر مریک و پوسکن آ عمرانی معاہدہ غان ویل آتا ایسری مننگ کیک۔ دا خیال آتا درشانی او پنچ شنبے نا دے بلوچستان ہائیکورٹ اٹی قلات نا ڈویژنل حیثیت نا چٹفنگ و ضلع مستونگ ءِ کوئٹہ ٹی اوار کننگ نا برخلاف رٹ پٹیشن دائر کننگ نا وخت آ میڈیا تون ہیت وگپ کرسا کرے۔ دا وخت آ سینئر سیاستدان نوابزادہ حاجی لشکری رئیسانی، سینئر وکیل ریاض احمد و ایلوفک ہم ساڑی ئسر۔