پیٹرولیم نا نہاد آتیٹی پدریسہ ودکی الس آ باریم ءِ ودفے
Get real time updates directly on you device, subscribe now.
پیٹرولیم مصنوعات نا نہاد آتیٹی ہڑدے ئی بنداو آ مروک آ پدریسہ رد و بدل الس، ٹرانسپورٹ سیکٹر و واپاری سرجز آتیا ودکی مالی باریم شاغانے۔ بیرہ مسہ دے نا نیام اٹی ڈیزل و پیٹرول نا نہاد آتیٹی نمان ودکی ریکارڈ کننگا، وخت اس کہ تدوک آ شش دے اٹی مجموعی ودکی تیل نا نہاد آتے پوسکن آ بڑزکو کہول اسکان سر کرے۔ ہندسہ غاتا رِد اٹ ڈیزل نا فی لیٹر نہاد بیرہ مسہ دے اٹی 354.35 روپئی آن ودسا 375.04 روپئی مس، یعنی 20 روپئی 69 پیسے فی لیٹر ودکی ریکارڈ کننگا۔ ہندا وڑ پیٹرول نا نہاد اٹی ہم 11 روپئی 32 پیسے فی لیٹر ودکی کننگا، ہراڑآن پد فی لیٹر نہاد 315.80 روپئی آن ودسا 327.12 روپئی اسکان سر مس۔ مسہ دے اٹی بیرہ اسہ وار پیٹرول نا نہاد اٹی 35 پیسے فی لیٹر کمتی کننگا، ولے جم رجحان پدریسہ ودکی نا برجا سلیس۔