ایران ءِ پیدوار پارینٹ کہ جنگ بندی چٹانے، امریکی صدر
Get real time updates directly on you device, subscribe now.
امریکی صدر ڈونلڈ ٹرمپ دعویٰ کرینے کہ ایران اوڑان مذاکرات ءِ برجا تخنگ نا درخواست کرینے و نن ایران نا خواست آ امنا کرینن، صدر ٹرمپ پارے کہ امریکہ پک وڑ اٹ پیدوار کرینے کہ جنگ بندی چٹانے۔ ایلو کنڈآ امریکی کمامدار آک دعویٰ کرینو کہ ایران تون تکنیکی کہول آ مذاکرات برجاءِ۔ درملکی میڈیا نا رِد اٹ امریکی کمامدار آک پارینو کہ امریکہ ایران تون ویل آتے ایسر کننگ کن پرعزم ءِ۔ امریکی میڈیا نا دعویٰ ءِ کہ پاکستان و قطر خیرخواہ نا وڑ اٹ ایران و امریکہ ءِ دوارہ مذاکرات نا میز آ اتنگ کن کوشست کننگ اٹی ءُ۔ دا پیشرفت ہمو وخت آ مون آ بسنے ہراتم امریکہ و ایران نا نیام اٹی دوارہ چک وتاڑ بنا کرینے۔ امریکی فوج انا کنڈ آن گدرینگوک آ 2 دے آن ایران آ جلہو کننگا۔