محسن نقوی نا بلوچستان اٹی کارروائی تیا سیکیورٹی فورس آتا ستا
Get real time updates directly on you device, subscribe now.
بنجائی وزیر داخلہ محسن نقوی بلوچستان اٹی خوارجی دہشت گرد آتا برخلاف سیکورٹی فورس آتا سرسہب کارروائی تا ستاءِ کرسا پاک فوج، فرنٹیئر کور (ایف سی) و بلوچستان پولیس نا ورناتا ستاءِ کرینے۔ او پین 13 دہشت گرد ءِ خلنگ آ فورس آتا کسبی لائخی و جیرت ءِ سلام پیش کرسا پارے کہ مچ آ قوم تینا بہادر سپاہی تیا گمر کیک۔ بنجائی وزیر داخلہ محسن نقوی تینا بیان اٹی بلوچستان اٹی دہشت گرد آتا برخلاف برجا سرسہب آپریشن آ است جمی نا درشانی ءِ کرسا پارے کہ پاک فوج، ایف سی و بلوچستان پولیس نا بہادر آ ورناک اسہ وار ولدا تینا جیرت، عزم و کسبی لائخی نا شاہدی ءِ تسر۔ او پارے کہ دہشت گردی نا برخلاف جنگ اٹی سیکورٹی فورس آتاقربانیک مچ آ قوم اکن گمر نا سوب ءُ۔