دہشت گرد آتا برخلاف کارروائیک برجا سلرہ، وزیراعلیٰ

وزیر اعلیٰ بلوچستان میر سرفراز بگٹی پارینے کہ منگی ڈیم پولیس اسٹیشن آ دہشت گرد جلہو آن پد بنا کروک آپریشن شعبان سرسہبی اٹ برجاءِ۔ سیکورٹی فورس آک دہشت گرد آتا برخلاف پبی کارروائی کننگ اٹی ءُ۔ او پارے کہ بلوچستان اٹی ریاست نا رٹ ءِ ہر حال اٹ برجا تخنگک و دہشت گرد آک تینا ایسر آن بچنگ کپسہ۔ وزیراعلیٰ پارے کہ پاک فوج، فرنٹیئر کور و بلوچستان پولیس سخت انگا مشی آ علاقہ غاتیٹی اسیجائی ڈغاری و فضائی کارروائی تا کمک اٹ دہشت گرد آتیا ڈغار ءِ تنک کرینو۔ او سیکورٹی فورس آتا کسبی لائخی، بہادری و قربانی تا ستاءِ کرسا پارے کہ دہشت گردی نا چٹفنگ کن برجا کارروائیک پورو واکداری اٹ برجا سلرہ۔