ایران تون جنگ بندی چٹانے، وخت زیان کپنہ، تینا کاریم ءِ برجا تخنہ،امریکی صدر ڈونلڈ ٹرمپ
نیٹو امریکہ نا بھاز سخت ءُ پارٹنر اسے، اوڑان خوش افٹ، او ایران نا برخلاف نن تون ہچ ءُ کمک اس کتو
Get real time updates directly on you device, subscribe now.
امریکی صدر ڈونلڈ ٹرمپ پارینے کہ ایران تون ننا جنگ بندی چٹانے، اوفتتون باندات آتیا ہیت کننگ بیرہ وخت انا زیان ءِ‘ داسہ ننے تینا کاریم ءِ پورو وڑاٹ کینہ۔ او نیٹو نا منہ سیوتی ملک‘ خاص وڑاٹ اسپین آ بھاز تنقید کرے۔ ترکیہ نا بنجائی شار انقرہ ٹی نیٹو سروک جنرل مارک روٹے تون اوار گپ و تران کرسا امریکی صدر ڈونلڈ ٹرمپ پارے کہ نیٹو سروک تون جوان گپ و تران مس، نیٹو امریکہ کن مچ آ دنیا ٹی اسہ سخت ءُ سیوتی اسے۔ نن ایران ءِ جوہری سلہہ غاتیان پاک کننگ نا ہیت ءِ کرینن، ایران ہچ ءُ وڑ اسے ٹی جوہری سلہہ تخنگ کپک۔او پارے کہ ای نیٹو آن خوش افٹ انتئے کہ او ایران نا برخلاف ننا کمک ءِ کتو، ننے کمک نا گرج الو ولے ای اوفتا امتحان ءِ ہلکٹہ۔ نن نیٹو ءِ 100 درسَد فنڈ ایتنہ وخت اس کہ منہ ملک ہچ ءُ بشخ اس شاغپسہ۔ او پارے کہ نیٹو ءِ کل آن زیات زرگزرانی کمک امریکہ فراوان کیک، ہندا سوب آن سیوتی ملک آتے تینا زمواری تے پین بھرمی وڑاٹ سر تننگ المی ءِ۔ امریکی صدر امریکہ و ایران نا نیام اٹی جنگ بندی نا بابت سوج انا ورندی ٹی پارے کہ کنا خیال اٹ دا چٹانے، ایران نا بابت بھاز وخت زیان مس، داسہ ننے تینا کاریم ءِ کروئی ءِ‘ ٹرمپ پارے کہ تدوک آ دے ایران سعودی عرب و ایلو ملک آتا جہاز آتیا جلہو کرے، ایران نا جلہو تا ورندی ٹی امریکی فوج ہم کارروائی کرے، ایران نا کل سرکڑدہ غاتے چٹفینن، داسہ ہموڑے پوسکن آ بندغ آک ءُ۔ او مستی پارے کہ اسپین تون ہچ ءُ تعلقداری اس تخنگ نا خواہندار افٹ۔ اسپین اسہ بھاز خراب ءُ شریدار اسے، اسپین تون واپار ءِ بند کننگانے۔ او منت کننگ اٹی ءِ کہ نن تون واپار ءِ بحال کننگے۔