امریکہ نا کنڈ آن معاہدہ نا پاش آن پاش خلاف ورزی نا مذمت ءِ کینہ،ایرانی وزارتِ خارجہ

ایران پارینے کہ امریکہ نا کنڈ آن معاہدہ نا پاش آن پاش خلاف ورزی نا مذمت ءِ کینہ۔ ایرانی وزارتِ خارجہ پارینے کہ آبنائے ہرمز اٹی ایرانی بست و بند آتا خلاف ورزی کننگ انگ ءِ و لبنان اٹی اسرائیلی جلہو آتا ریسہ برجا تخنگانے۔ ایرانی وزارت خارجہ پارے کہ آبنائے ہرمز و لبنان نا حالیت آک معاہدہ ءِ خراب کننگ اٹی ءُ۔ ایرانی وزارت خارجہ پارینے کہ ڈیہہ انا ملک آک ایران آ جلہو کن امریکہ ءِ تینا ڈغار کاریم اٹ اتنگ نا موکل تفس، ساڑی چک و تاڑ نا خراب انجام نا زمواری امریکہ مریک۔ ایران پارے کہ جلہو و تیل انا بہا کننگ آ رکھ انا گام گیج آتیان پد ایم او یو نا منہ بشخ انا اہمیت سَنٹ مسنے۔ ایران نا برخلاف جارحیت و جلہو کن کاریم اٹ بروک ہند آتے شست کننگک۔ یات سلے کہ امریکی فوج انا ایران نا برخلاف پوسکن آ جلہو آتیان پد ایران نا پاسدارانِ انقلاب ہم ورندی تسنے۔ ایران نا پاسدارانِ انقلاب ملک انا سویلی بشخ اٹی امریکی ڈرون ءِ خلنگ نا دعویٰ کرینے۔ پاسداران انقلاب نا کنڈ آن پاننگانے کہ بحرین و کویت اٹی 85 امریکی ہند ءِ شست کننگانے۔ ایلو کنڈ آ ایران نا بڑزکو مذاکرات کار و اسپیکر باقر قالیباف پارے کہ امریکہ جنگ بندی نا بابت ایم او یو نا بھاز خلاف ورزی ءِ کرینے، سویلی ایران آ جلہو، تیل انا گڑا تیا رکھ و پین جلہو آتا تڑی تننگ ایم او یو نا خلاف ورزی ءِ۔